أولا البنت بتحب الولد التقيل
يعنى خلى دمك تقيل عليها سوق الرخامه عليها سوق الغلاسه و التلامه ...و لو مبتعرفش تسوق طلع رخصه ...مطلعتش ..أضرب رخصه وسوق برضوا ..
ثانيا البنت بتحب الولد الغنى
أشتغل أهلك ..اصحابك ..اسرق ...أنهب أعمل أى حاجه علشان يبقى عندك فلوس ..فلوس كتير كتيير اوى ..اوى ى ى
مش ضرورى حلال يستحب انها تكون كمان حررام علشان تحس أنك كريم عبد العزيز فى حراميه فى كى جى تو
ولو معندكش فلوس وفاشل ... أرسم بقى دور الغنى و اتنك وأعمل نفسك مهم,,أشتغلها !! هو يعنى انت لاقى شغل يا فاشل ,بقلك أشتغلها وأعملها شغلنتك
ثالثا البنت بتحب الولد اللى مبتفهموش
خليك متخلف فى طريقتك معاها خليك أهبل فى كلامك ومتديهاش كلمه مفيده تفهمها منك ولو فهمت كلمه منك ارجع قولها عكسها خليها تتهبل ومتفهمش حاجه خالص
رابعا البنت بتحب الولد الكداب
أفتح عليها علب أحكيلها عن رحلاتك للمريخ .,غزواتك و,بطولاتك
كلمها عن قدراتك الخارقه فى الطيران وقرايه أفكار الناس ..,,,و انك بتعرف كل حاجه فى الدنيا وأهم حاجه أنك بتعرف هى بتخرج تروح فين وبتخرج مع مين وبتهبب ايه كل يوم
خامسا البنت بتحب الواد الحبوب المحبوب
أستخف نفسك وخليك فريش كده طول الوقت وغلس على كل خلق الله ,, وهزر فى اى وقت و مع اى حد بداعى و من غير حسسها ان كل الناس بتحب تهزر معاك
سادسا البنت بتحب الولد النناااااااعم
خليك ناعم ورقيق بسكوته ,,, و حساس اوى خالص جدا موت ويستحسن تمسك منديل وردى او , احمر وتمسح بيه وشك كل دقيقتين حساس حساس جدا ...حس شويه ياااى ى
سابعا البنت بتحب الولد اللى يحسسها أنها أحلى بنت
كلمها عن جمالها واوصفلها هى اد ايه فاتنه ومدوباك فى حسنها و مسهراك يا حبه عينى وان هى الوحيده الحلوه فى العالم واحلى من هيفاء وهبى و نانسى عجرم و ان هى اصلى والباقى نفخ ,,, و متخفش هتصدقك !!!
ثامنا البنت تموت فى الولد اللى شكلوا معتوه
البس لبس غبى ,,لازم تسقط البنطلون ,,تيشيرتات بقى مسوم عليها حمير وفران وكلاب ,,هيص بقى حزام أحمر كوتشى اخضر بص أختصارا بلياتشو ..,,حاول تغير فى اسلوب لبسك شويه البس هدومك بالشئلوب ,, وبرضوا متنساش تسقط البنطلون
طول شعرك ونزله على عينك ,, ولو أكرت طوله برضوا وأنكشوا زى المجانيين
فانكى ى ى ,,,وبص بقى ركز شويه مع عمرو دياب يعنى لو مره حلق حواجبه أوعى تتردد ,,,اديها على طول يعنى أنت هتفهم أكتر منوا , أكيد موضه !!
تاسعا البنت بتحب الولد التافه
أتكلم عن التمثليات و برامج التلفزيون و الاغانى و الكليبات و النيو لوك وخلافه ,,,, بص بقى النقطه الجايه دى مهمه جدا
أقنعها ان صوتك حلو و بتغنى و الموسم الجاى هتقدم فى ستار أكاديمى ,,مش كده وبس لا و هتفوز
عاشرا البنت بتموت فى الولد اللى بيحب غيرها
عمرك سمعت عن واحده حبت واحد بيحبها ,,,, لا طبعا
طيب خد النصيحه دى .. البنت مبتحبش اى واحد يحبها , وديما تحب واحد هى ولا على باله
طنشها و اركنها على الرف ولا كأنها بنى ادمه اوعى تكون هى الوحيده فى حياتك ., لو مش لاقى بنات غيرها اتصرف صاحب اى شغاله , شحاته بياعه خضار ,,, نوع كده وخلييك واد كول
النتيجه
هتثبت نص بنات الدنيا .,., والنص التانى هيثبتوا واحد قرا نفس الموضوع طبعا وهتسألونى وباقى شبان الدنيا راحوا فين ؟؟؟
يا بنى دول ندهتهم النداهه من زمان و سبقوك على المأذون و دلوقتى شايليين عيال
انا نصحتك عايز تتنصح اتنصح مش عايز انت حر هتبقى زى عموا الجرسون .....
الرئيسية 
الاعلانات 
