.بنت ضغيره بترفع الضغط
التلفون بيرن ..
البنت : الوووو
الست: الووو هاى
البنت: هايين
الست: هيا فين الوالده؟
البنت : مفيش عندنا واحدة والدة
الست :لا لا عيب عليكى... لا سمح الله...ومتقوليش كده عليها وربنا يخليهالك
البنت : وليه لا سمح الله .... بقوليك مفيش عندنا والدة
الست : انتى عندك كام سنه ياشاطره؟؟
البنت : وانتى عرفتى منين انى شاطره؟؟
الست: تضحك وتقول...باين عليكى خفيفه الدم
البنت: انتي الي خفيفة دم.متقوليش كده عليا
الست: باين عليكى صغيره
البنت : انا اطول منك
الست : طيب يلا بقى ادينى ماما
البنت: ليه هيا مامتك عندنا؟؟
الست: خلاص نادي امك
البنت : أمي معندهاش نادي
الست : الله يصبرني
البنت : يصبرك مع شوك ولا بدون شوك(صبار يعنى)؟؟
الست : تصرخ " ادينى حد كبير "
البنت : كبير بالحجم ولا بالطول ولا بالسن؟؟
الست : ادينى واحد برميل اتكلم معاه..........................
البنت : استغفر الله العظيم.عابزه تتكلمى مع برميل...... بس البرميل جماد
الست : انا هاجى عندكم يلا ادينى حد كبير
البنت : متجيش دلوقتى صحابى عندي لما يروحوا تعالى
الست : طيب بس لو شفتك هعمل منك بطاطا
البنت : بطاطا مسلوقة ولا مشويه فى الفرن؟؟
الست: احسلك اسكتي عشان انتى زعلتيني
البنت : مين الي زعل تيني.وليه التين اصلا زعل؟؟
الست :خلاص زودتيها عاد (اوى)
البنت : حوطى عليها ميه
الست :حطيت خلاص اتبسطى؟؟
البنت: الصراحة مش مبسوطه في حاجه مزعلانى
الست : خليه يزعلك يمكن تنفجري زى البالونه
البنت : وايه لون البالونه الي هتفجر زيوه؟؟
الست : تصرخ باعلى صوتها " فين مامممممممممممتك؟؟"
فتاخذ الام التلفون من البنت
وتقول الووووو مين معايا؟؟
الست : لولولولولوولولى (بتزغرت) اخيرا ايه البت اللى طلعتلى قرن فى راسى من الصداع
الام : قرن ايه؟ قرن الغزال ولا قرن موز؟؟
الست : انتي زيى دايما رايقة وبتحبي تهزرى لا طلعتلى قرن ثور
الام : قد ايه حجمه؟؟
الست بتقفل السماعه وهتروحلهم البيت..بترن الجرس..
فتقول الام للبنت : قومي شوفي مين على الباب
تروح البنت للباب وبتجيب الكرسى وبتطلع عليه وبعد كده بصت فوق الباب وبعد كده قالت مفيش حد على الباب بس فى وحده وراه
الام : خلاص خليها ترن على الجرس كثر زى ماتحب
البنت : جرس ايه جرس المدرسة؟؟
الام : لا جرس الدار
البنت: جرس بيتنا ده ولا البيت الجديد الي احنا بنبنيه
الام : لا جرس بيت الجيران
البنت : ليه في عند الجيران جرس وحول واركب على الفرس
وعلى الموال البايخ ده ليل ونهار .
.................................................. .
واكيد دى قصه مش حقيقيه
لو انت مكان الست دى هتعمل ايه وبأمانه......مستنيه ردودكوا ....سلام
الرئيسية 
الاعلانات 
